RWANDA:NYUMA YIMIYGARAGAMBYO YIGITANGAZA YAMAGANA KAGAME USA UBU BITEGUYE IYINDI MYIGARAGAMBYO RUKOKOMA I LONDON

Published on by KANYARWANDA

TUZAMUTSINDA LONDON, 22/7/11

 

Banyarwandakazi, Banyarwanda, Nshuti z’uRwanda,

 

 

Mu ijwi rimwe kandi riranguruye, twebwe abateguye imyigaragambyo yabereye Chicago muri Leta Zunze Ubumwe z’Amerika kuwa 11 Kamena 2011 turabashuhuje kugirango tubashimire cyane kandi tubikuye ku mutima kubera inkunga mwaduteye muri kiriya gikorwa kitazibagirana mu mateka y’igihugu cyacu no muri leta zunze ubumwe z’amerika.

 

Nkuko mwari mwabimenyeshejwe, Ihuriro Nyarwanda (RNC), rifatanije n’Inteko y’Igihugu Iharanira Repubulika ( CNR-Intwari) na FDU-Inkingi na Initiatve pour la Democratie et le developement ( Umwihariko ugamije demokarasi n'amajyambere) twateguye imyigaragambyo yari igamije kwerekana no kumenyesha abanyamerika n’amahanga ubugome n’ubwicanyi ndengakamere bikorerwa abanyarwanda bitewe n’ubutegetsi bubi bw’igitugu bushingiye ku kinyoma n’iterabwoba bya Perezida Paulo Kagame. Twishimiye kubamenyesha ko kubera inkunga yanyu mu kwitabira icyo gikorwa, iyo ntego yagezweho, bityo Paulo Kagame tukamutsindira aho i Chicago. Nta mutegetsi numwe muri America wigeze amwakira, yewe habe no ku rwego rwa cellule. Itangaza makuru muri America no kwisi hose havuzwe ibyimigaragambyo yacu, rivuga ko Kagame ari umwicanyi, asahura abakene b'u Rwanda, kando ko ategekesha igitugu.

 

Turashimira Fondasiyo Rusesabagina yadufashe mu nkokora ikadutera igabo ikomeye mu bitugu kugirango byose bigende neza. Kubwumwihariko turashimara abanyarwanda baturutse imihanda yose muri Leta Zunze Ubumwe z’Amerika bakitangira kiriya gikorwa cy’ubutwari.Turashimira cyane n’abatarashoboye kuza ariko bagafasha uko bashoboye batanga agafashanyo ku bagiye k’urugamba.Turashimira nanone abaturanyi b’igihugu cyacu baturuka mu guhugu cy’uBurundi n’abaturuka muri Repuburika iharanira Demokrasi bitabiriye ubutumire bwacu kandi bakagira n’uruhare rukomeye badufasha kwamagana ubutegetsi bubi bubangamiye akarere kose k’Afurika y’ibiyaga bigari.

 

Reka dusoze tubamenyesha ko Chicago yabaye intambwe ikomeye yiyongera ku zindi zabanje mu yindi mijyi y’amerika, Canada, Afurika, no mu Burayi. Tubararikiye n’ibindi bikorwa biri imbere bizabera Londoni, tariki 22/7/2011, na New York mu kwezi kwa cyenda, n’ahandi hose muzamenyeshwa. Turabaritse kandi guhagurukira kwamagana igikorwa cya Kagame cyo gucyura impunzi z'abanyarwanda ku ngufu mu mpera z'uyu mwaka.

 

Tubaye tubashimiye kuzakomeza gufatanya kugira ngo duhangamure buriya butegetsi bw’abicanyi, maze abanyarwanda bahunguke, bahumeke ituze mu busabane buzira ivangura n’igitugu.

 

Bikorewe Chicago kuwa 12/6/11

 

 

Theobald Rwaka, CNR Intwari

 

Nepo Manirarora, FDU-Inkingi

 

Theophile Murayi, Fondasiyo y'ukwishyira ukizana na Demokarasi mu Rwanda (FFDR)

 

Celestin Muhindura, Umwihariko ugamije demokarasi n'amajyambere (IDD)

 

Theogene Rudasingwa, Ihuriro Nyarwanda ( RNC

Published on RWANDA REFUGEES

To be informed of the latest articles, subscribe:

Comment on this post

Kanyarwanda 10/22/2016 00:38

INTAMBWE IKOMEYE IMAZE GUTERWA MURI DIASPORA Y’U RWANDA MU BUBIRIGI KUKO BIMAZE KUMENYERWA KO DRB RUGALI ARI ISHYIRAHAMWE RIHAMYE RYA DIASPORA RIHUZA ABANYARWANDA BOSE BABA ABANTU BASANZWE CYANGWA ABANYAPOLITIKI KUKO BOSE IYO BITABIRIYE IBIKORWA BYAYO BABYITABIRA NK’ABANYARWANDA BASANZWE AHO UMWE ARESHYA N’UNDI HATITAWE KUCYO AKORA CYANGWA UMURONGO W’IBITEKEREZO YABA AFITE. BRAVO A NDUHUNGIREHE UMAZE KUVUGURURA DIASPORA YO MUBUBIRIGI IGAFUNGURA AMAREMBO.

Koko nibyo rero kuko hari amakuru yangezeho avuye Charleroi avuga ko Nyakubahwa NDUHUNGIREHE Olivier Ambassadeur w’u Rwanda mu Bubirigi kuwa gatandatu ushize tariki ya 15/10/2016 yasabye munama kumugaragaro RUTAYISIRE Boniface ko yakomeza gahunda yo gufasha communauté nyarwanda muguhirika ibikuta biba hagati y’abanyarwanda bibabuza gusabana. Ibyo ngo yabimusabye nk’abandi banyarwanda bose baba bitabiriye ibiganiro bya diaspora. Niba rero ibintu ari uku biteye ko ndeba ari byiza cyane kuki abanyarwanda bose batakwitabira biriya biganiro kandi bigaragara ko nta politiki iba ibirimo kuko ubyitabiriye abyitabira nk’umunyarwanda kandi nta muntu n’umwe biheza. Abanyarwanda bari proche y’amashyaka yose ya opposition nyarwanda ikorera hanze kuki batakwitabira ibikorwa bya diaspora y’u Rwanda na za Ambassades mubihugu byose aho bari? None se logique ni iyihe nko kuri FDU Inkingi n’abandi bose bashaka gukorera i Kigali ariko bakaba badashobora no kwitabirra ibikorwa bya leta y’u Rwanda na diaspora hanze y’igihugu?
Kuri iki kibazo hakwiriye impaka zisesuye maze abana b’u Rwanda bakarushaho gusabana haba mugihugu cyangwa hanze yacyo. Abajeunes nka Jambo News, Inyange, Amahoro iwacu n’abandi iyi migirire bayitekerezaho iki? Ni igiki cyabuza abanyarwanda baba abato cyangwa abakuru gusabana? Ese ko mubihugu byateye imbere opposition n’abari muri gouvernement baba badahuje ibitekerezo bya politiki, ese bibabuza gusabana no kubakana igihugu cyabo mubwuzuzanye? Kuki abanyarwanda aribo basigara inyuma bagakomeza kuba ingwate y’inzagano n’imigirire idahwitse? Birazwi ko abanyarwanda bari hanze y’igihugu badahuje ibitekerezo bahurira mubukwe bagahurira no muri magasin n’ahandi hose ariko bagera kubyo gusabana kubireba igihugu cyabo ugasanga hari inkuta bishyize hagati zidafite ishingiro. Niba Rutayisire Boniface yitabira ubutumire bwa diaspora n’Ambassade agahabwa ijambo n’ibyubahiro nk’abandi banyarwanda bose baba bahari ndetse yanavuga ibitekerezo bye bigashimwa bikagarukwaho na benshi mubaba bari munama nkuko byagenze Charleroi ngo aho abagera kuri bane bose barimo Ambassadeur bagarutse ku izina Rutayisire Boniface bamushimira umuganda we w’ibitekerezo yari amaze gutanga, n’iki cyabuza abandi banyarwanda bose kwitabira ubusabane nk’ubwo? IGIHE KIRAGEZE KO ABANYARWANDA BAKANGUKIRA UBUSABANE KU ISI HOSE AHO BARI NTA KUVANGURA CYANGWA KWIHEZA MUBINTU BYOSE BIREBA IGIHUGU CYABO.
Njye by’umwihariko nshimiye iyo generation ya ba Nduhungirehe Olivier na Rutayisire Boniface biyemeje kugusha inkuta ziba hagati y’abanyarwanda zibabuza gusabana kandi abanyarwanda bose ari abavandimwe.
Niba hari uwumva ibitekerezo nkanjye, amfashe iyi nyandiko igere ahashoboka hose kuko ubumwe bw’abanyarwanda nibugerwaho ari ingirakamaro kuri buri munyarwanda.
Ndabashimiye

KANYARWANDA

Inkuru ya Charleroi umuntu anyeretse mwayisoma hano: http://www.igihe.com/diaspora/article/amb-nduhungirehe-mu-biganiro-byo-gusasa-inzobe-n-abanyarwanda-baba-i-charleroi