Umuseso 397: Kagame, Kayumba, Victoire

Published on by KANYARWANDA

Umuseso 397: Kagame, Kayumba, Victoire

 

Charles Kabonero

Amateka ya politiki mu Rwanda akomeje kuba mabi. Buri gihe iyo hari ikintu gihindutse muri politiki, abanyarwanda biturwaho n’ingorane zitandukanye, kandi buri gihe ziturutse ku butegetsi buba buriho.
Nk’ubu, hari hashize imyaka isaga 15, nta munyapolitki wiyemerera ku mugaragaro ko atavuga rumwe n’ubutegetsi buriho. Haherukaga ba Twagiramungu na ba Ngango bavugaga ko barwanya Habyalimana, kandi bagakomeza bakaba mu Rwanda. Nabwo kugira ngo iyo ntambwe igerweho,
habaye aha FPR yotsaga umuriro Inzirabwoba.
Ubu muri iyi minsi, habonetse amashyaka mashya ashaka gutangiza opposition ivuga kuko itavuga yo irasanzwe. Ubu abantu bacitse ururondogoro.
Mu midugudu ibintu byaradogereye, urasanga intore zishaka
kumenya ishyaka umuntu arimo. Iyo atitabira inama z’umuryango FPR Inkotanyi, ntizibura kumwitirira icyo atari cyo. Nta n’utekereza ko hari abantu batajya bakorwaho n’imihindiro ya politiki. Ubu ngo amalisiti
arimo gukorwa!
Iyi politiki y’iterabwoba, iranze ibaye umuvumo ku Rwanda. Nawe se, ku bwa Kayibanda, abantu bahumetse ari uko Parmehutu andi mashyaka
iyamize. Ku bwa MRND, abantu bagize agahenge ari uko Habyalimana ababumbiye mu bwato bwa Muvoma. Ku bwa FPR, nta ntugunda zindi zikabije zari zarabayeho, zije ari uko PS Imberakuri, Green Party na FDU Inkingi byigaragaje. None se Abanyarwanda bazinyagambura ari uko urubuga rwa politiki rwihariwe n’ishyaka rimwe kandi ry’igitugu?
Abanyarwanda baragowe kabisa!

Ubwanditsi bw'umuseso.

 Musome Umuseso n° 397

Published on politics

Comment on this post